又一星期, 呢個Blog好似係週記, 真的無辦法, 盡量抽多點時間update啦

星期五終於睇左魔盜王, 講真, 真係有d失望, 比起第二集, 真係差左d, 好似想快d埋尾, 不過又唔夠料, 加上我最愛的Johnny Depp又唔係好多戲份, 有點失望, 噚晚tvb重播第一集, 先發現第一集時應該唔係想有續集, 可能好收得, 所以幾年後有第二集, 正所謂一不離二, 二不離三, 可能呢個就係Hollywood嘅拍戲定理(連 Oecan Eleven都可以去到第三集就知道), 個結局有d唔好,因為要William到心愛嘅人分開, 不過可能咁樣先可以保住佢條命, 都唔知Jack係幫佢定害佢

星期六, 九果子BBQ日+為組長嫂慶祝生日(到唱生日歌時佢重以為係我地其中一個組員生日, 估唔到都有驚喜), 因為太負責的心態, 所以基本上所有食物, 由B-Day cake, 沙律至燒烤野食都由自己同另外一位姊妹準備, 原以為好簡單, 點知成個星期六下晝就係咁, 不繼咁忙. 到燒完返屋企嘅時間同其他組員傾下先發覺, 原來我一d都唔enjoy, 雖然個心係好想大家食得開心, 玩得開心, 不過因為太緊張d野係唔係好食, 夠唔夠 有無野未準備好, 心個完全唔享受, 最後重搞到自己好緊張又好累

原來有咩野食唔緊要, 係咪做得好唔緊要, 最重要係大家可以聚下, 享受下, 加上應該學習下分配工作(其實係驚其他人好忙, 唔想搞到佢地), 其實對自己有d失望, 因為好似自己霸住d野黎做, 但係又做得唔好, 又搞到自己好累(因為星期日, 因為太累, 訓到唔想起身)

踏入六月, 即係就黎考試, 我真係要好好分配時間, 加上要好好依靠神 因為呢排好似離遠左神, 做任何野都無精神(好似唔係第一次係呢度講), 不過唔可以再比自己後悔

成個禮拜都無Update個blog, 因為實在忙啦(其實有一半係懶, hehe)

上星期都發生左好多野, 有開心, 有唔開心, 由星期一開始講啦

星期一上最後一堂嘅tutorial, 多謝Ceci嘅台灣手信(又搞鬼又好食), 多謝Jessica嘅美味三文治&果汁(本來想比返$你, 不過最後都唔記得, 下次一定到我做東, 你想食咩呀), 最後一堂, 即係代表考試將近, 要好好努力遠離電視, 一定要合格, 加油呀(亞妹, 唔該幫我搬走佢, 麻煩你)

上個星期又收到d唔係好開心的電話, 分別係兩位親愛的姊妹在身體上有毛病, 有一位更係令人有d擔心, 求主賜健康, 親自醫治她們. 就係咁上星期用左好多時間傾電話

佛誕日, 公眾假期, 身為christian當然無去浴佛, 不過就可以利用呢個假期做下家務, 出下汗, 重包左Wan Ton一家食

星期六收工就去做負離子,一坐就坐左4個鐘, 不過髮型師送左個purple highligh比我, 當堂靚晒, 返到屋企重收到blog友 bigheadMabel嘅小禮物, 好開心, 希望有機會見到佢,聚下啦, 多謝你呀 Mabel,小禮物好靚我好鐘意, 夜晚重去左小組, 雖然由十二個人變做得四個, 不過都好開心, 因為分享左好多野, 重知道自己要學習多點聆聽, 學習說話的技巧, 求主賜知慧

星期日,最豐富, 因為之前收到一位八年沒見的中學同學sms, 因為他剛從北京畢業回來, 要聚舊, 所以相約星期日食早餐&一起返教會, 估唔到他除左靚仔左之外, 重成熟穩重左, 八年時間真的令人改變很大, 希望他可以成為一位出色的律師, 希望我地有多d機會聚舊啦

跟住下午去左一位弟兄cousin家打Wii, 勁好玩&勁好笑, 果然係減肥恩物, 因為玩完隻右手有d疼

考試重有一個月, 不過呢個月有好多左做, 整B-Day cake, 準備bbq, 父親節drama, 朋友gathering, assignment, pre-exam workshop, 買新書, 讀經計劃.....生命果然很充實, Thx god giving me such a wonderful life

真係抵打, 竟然連自己組長生日都可以忘記, 足足遲左一個星期先記得...抵打抵打, 好在人齊可以慶祝(好開心池太都一齊黎)

一行十一人係五十嵐吃飯慶祝, 黎呢度唔係因為d野好食, 只係因為可以包房, 再嘈d都可以麻(帶cake, 重唔收$$$). 我地由8點食到10點幾, 不繼咁傾, 不繼咁食, 因為叫左個四人餐, 所以有一個好大嘅牛肉鍋(不過好似湯多d), 一盤40件嘅sushi(yummy), 加埋其他野食, 張台都放滿晒, 全晚最搞笑係不繼咁傳野食, 咁每個人先可以食到麻

食到最尾, 當然係B-Day cake出埸嘅時候, 又係New York Cheese Cake, 無錯係我整嘅, 雖然好食, 不過係時候整個第二款啦, 如果唔係會悶親佢地(其實係悶親自己多d), 但係佢地話好食過上次, 有進步, hehe聽到好開心呀

更開心嘅係, 因為Crystal & Willie加入左我地小組, 雖然唔係好耐, 不過同佢地好啱傾, 佢地都係唔介意sharing嘅人, 好開心神為我地九果子加入新成員, 希望小組會有更加多人, 不過到時唔可以叫九果子啦, 重可能要分組添

Crystal & Willie分享佢地相識嘅過程, 好sweet, 神安排嘅couple真係好配好夾, 見到佢地, 更相信神的安排絕對是最美好, 祂有祂的時間表麻, 還是耐心等待啦~~~~~

最後重要多謝Crystal & Willie, 雖然已經好夜,重比我地上去佢屋企搞搞震, 上到去除左睇夜景外, 當然要睇下結婚相(睇相好似係指定動作咁), 就係咁成12:00先返到屋企, 雖然好眼訓, 不過好感恩神為我地安排嘅一切

戶外崇拜在非常順利的情況下完滿結束

首先感謝神賜給我們一個很好很好的天氣, 還怕會下雨, 被迫要留在室外, 怎知道出人意外的好天

再感恩, 同組一位弟兄的爸爸也有一同出席(之前一晚的小組, 還為弟兄代禱), 另外還有很多教友的家人. 當然還有我Big Bro & 亞嫂 & Moses, 雖然Moses成日都想走黎走去.

雖然, 在呼招時沒有很大的回應, 可是我相信, 福音的種子已經植入他們的心, 相信神一定有他的時間表

同了遊戲時間, 有點緊張, 真要多謝拍檔Lean &幫手計分的花花老師(兩位果然是老師, Lean口才了得, 花花計分快又準, 又一眼關七. 到了中場, 情況有點混亂, 因為埸地太細, 但感恩一切順利, 大家也很喜歡我準備的禮物, 總算有點安慰

雖然今年母親節,媽媽不在香港, 我想待她回來後, 每天也可以是母親節, 無論在天涯海角, 我的心媽媽永遠都是第二位(第一位當然是神啦)

媽媽不在香港的這大半年, 所過的教會生活, 是我最開心而又最感到與神很同在的, 感謝主, 雖然不知道媽媽回來後, 是否仍在返教會及出席小組, 跟隨主是我一生的目標, 此世不渝  

今日放工後為星期日母親節戶外崇拜準備禮物(集體遊戲禮物), 要又經濟又每人都可以平分的,當然是零食啦, 所以今日特別去了觀塘一間零食批發店shopping, 不過先要妹妹janice帶路, 因為佢係果頭返工又成日都去shopping.

未去之前以為係普通野, 因為我都係觀塘返過工, 知道呢d店大概係點, 點知到左之後, 呆左幾秒, 因為地方都幾大, 零食種類都好多, 無論係薯片, 朱古力, 餅乾, 魷魚絲, 和果子, 乾果 etc, 太多啦, 實在零食多眼亂.

唔得我黎嘅任務係買禮品, 為了又實用(即係好吃), 又見得人(因為星期日有好多係教友嘅屋企人, 唔可以太失禮), 最後揀左個樣好靚嘅和果子(味道就唔知, 不過我睇到都想拆黎食), budget又啱啱好, 感謝主因為去之前怕budget太少, 唔知點買, 依家剛剛好, 實在太perfect啦

揀完重要野, 可以睇自已啦, 由於實在太多選擇,雖然好平但又唔可以全部都買, 有點頭痕  , 最後都揀左d特別嘅, 就係冬陰公暴君

 & 面包超人朱古力(呢個係買比我亞頭d小朋友, 因為佢地鐘意面包超人)

當然重有其他, 不過無咩特別唔講啦, 講返冬陰公暴君 , 我就因為佢而失守左, 因為小妹減肥修身進行中, 每日只可以食清淡加多菜多生果, 任何肥野都唔掂得(零食就望都唔夠望)............唉點知, 返到屋企影完相二話不說就拆黎食, 不過都係半包(都有節制呀), 睇黎要行多幾步路啦.

不過講返包冬陰公暴君 因為之前食個佢隻印度暴君超辣, 食完個咀麻痺左,不過就好好食(都係要多謝同學仔Ceci請我地食), 呢隻冬陰公暴君食落無咁辣, 咁有d酸, 真係似飲湯嘅味道, 不錯

好啦, 聽日要做bring home test, 已經請左半日假, 希望係星期日之前做完, 另外合格就得啦, 求主睇智慧

星期五B-Day gathering, 同好耐無見嘅家姐(Joanne), 吃飯慶祝預祝佢生日, 本來以為佢男朋友會一齊出黎, 可惜又緣慳一面, 下次一定要帶佢出黎見下我地

一路食一路傾, 好開心, 重不繼咁叫家姐講佢同男朋友係點識, 又點拍拖, 我地班八妹仔搵到間餐廳好嘈, 哈哈

食完飯當然要吃生日cake啦, 之前一晚一早準備, 本來打算整6"寸, 點知搵左好耐都耐唔到張食譜, 咁見到有8"寸嘅, 就試下啦, 咁啱買左好多cream cheese, 又有模. 平時整6"寸只用250g, 好輕鬆, 好容易打, 點知8"寸要用一倍嘅cream cheese, 好重好難打,不過最後都好成功, yeah........重整到好似出面買, haha又成功啦

因為餐廳要收$50先可以帶個餅去, 所以決定上我屋企吃, 慳返黎買香檳&薯片, 點叫一人一寸芝士餅, 因為我地有八個人呀, 所以咪一人一寸啦, 不過都食唔晒, 可以留返星期六食, YUMMY

食餅果時, 各位要求睇下相, 特別係係AUS果d相, 一路睇, 一路問邊個係100分男朋友, 果然你八妹仔, 佢地重話我以前好slim&好純 不繼咁話我好純, 搞到我好傷心, 我要做返以前果個又純又slim嘅Doublefirebird.

 

 

作為勞動的一份子, 五一勞動節當然要放下假休息下, 難得放假, 就緊係要煮餐好, 煲個靚湯, 所以一早起身就同Janice去買餸

見到天氣咁好, 想打電話比Philip, 約佢地去街街同MoMo晒太陽, 點知諗下就收到佢電話, 話想出去行下, 所以我地就約左去西貢

本來janice話要係屋企溫書同等整電話線, 點知大約十二點(正在煮lunch嘅時候, PCCW打電話黎話改早d上黎(本來約左2-4點), 好感恩, 咁我地一行六人就可以一齊去啦(當然包括MoMo至愛嘅爺爺啦)

去坑口搭小巴, 可能係假期, 所以有d塞車, 要半個鐘先到, 眼訓嘅MoMo係呢個時候訓著左(喂起身啦, 我地去西貢都係為你咋, 好快d醒啦),

到達後, 因為MoMo重未醒, 咁我地就坐底high tea 啦,好耐未試過係咁好天同咁舒服嘅情況下High Tea, 坐係度, 又望海又有涼風陣陣, 實在太舒服啦, 我地重食左幾款cake, 其中一款係"不可思義批", 原來係Cho+Banana,  點解叫不可思義批就唔知, 不過好好味呢

差不多吃完, MoMo就醒啦, 醒左就緊係要落地玩下啦, 見到狗狗, 都唔怕, 重走去想摸佢地, 之後我地買左吹泡泡黎玩, 小朋友好鐘意, 一路行, 一路吹, 除左MoMo玩得開心之餘, 重有好多小朋友走埋黎一齊玩, 鬼妹仔都有, MoMo玩得好開心, 而我地就追得好辛苦

玩到最後, MoMo開始無電, 走唔郁, 但係又死撐, 見到咁就打道回府啦, 返到去就煲湯煮飯, 又一個快樂嘅晚上, 不過我地都勞動左一日, 哈哈

好感謝神, 因為神比左一個好好嘅家庭, 感謝主

星期六, 4月28日終於去到期待已久的BBQ, 此次BBQ除了是同學GATHERING之外，重係為靚靚Jessica 慶祝生日，之前一晚已經開始整她喜愛的cho cake,為了唔失禮，之前已經整過一次，最後當然無失手啦．　雖然Jessica都已經估到係cho cake（盲嘅都見到我攞住個盒招搖過市），不過佢以為係買嫁，估唔到都呃到人

呢個係勁多正嘅bbq,因為有Joey, Ceci, Jessica, OnOn & Thomas 加埋Jessica囝囝旻諾B， 好耐無咁好玩啦

感恩的是天氣很好, 有太陽又有風, 正 

果日最開心係Twins媽媽＆佢老公Thomas都一齊黎，好開心可以一齊ＢＢＱ，Thomas重同Jessica舍囝囝玩得她開心, 第時Twins 實唔怕悶啦, 正正

食物ok, 最好味係jessica自家製"忌廉湯茹茹包", 重有粟米&蕃薯, 個茹茹超好味, 正正正

去到白石, 當然唔可以放棄果度d景, 影返d雜誌相先, 扮野唔睇鏡頭,扮cool唔笑, 影時勁搞笑羅, 真係正正正正

最後多謝jessica車我地入去，又煲左涼茶比我地飲, 呢個係最多正, 因為jessica又靚又好人, 生日快樂呀, 祝你永遠都咁靚, 囝囝(囡囡)老公錫晒你

對於半獨居的我們來說, 最怕的除了是昆蟲飛入來不走外, 相信突然停電都會令我們不知所措, 措手不及特別是在深夜時份, 又怕驚動在夢中的Philip & Dad Dad. 昨天晚上, 這可怕事情又再發生, 事發事正正零晨, 除了第一時間打電話去管理處外, 就是熟練的把所有照明東西拿出來, 靜待救星來臨.

救星到了也只能暫時開電, 以為事件完結, 怎知道早上七時起來才發現又再一次停電, 唉.......只好等待電器技工開工, 一等便是中午十二時多, 他到來後把所有插位都檢查清楚(即要把所有東西搬開), 最後要重新安排時間抽線, 所以暫時只可以用部份的插位, 沒電視, 沒dvd, 寧靜的日子將會來臨

其實最後發現是因為拖版負荷不了大電壓的oven, 原來真兇是我, 因為停電前我用了兩小時. 我很是內疚, 因為停電的時候Janice是在洗白白, 可是她出奇的平靜, 只是問為什麼關掉她的燈, 感恩神仍保守我們, 至少知道原因及再拉線的費用也不是很高, 感謝主

希望可以盡快安排拉線啦

昨日收到九果子亞b email, 她說"終於有人請我啦", 頓時心情也為她輕鬆了, 因為為她找工作的事也擔心了兩個月, 絕對是"皇帝唔急,太監急", 她也在放棄邊緣, 因但當想到十一月的大日子, 真的很為她擔心,有好幾次還嚴厲訓話了她(sorry 亞b, 我都是為你好).

好了, 最終神都為她安排了一份她喜歡的工作, 也是她很想加入的公司(機構), 希望神繼續賜福給她, 使她能夠在一切的工作上都順利, 學習更加, 加油啦, 亞b

也感謝神給我們有工作的能力, 及保守我們都有準時出糧(好重要), 哈利路亞 

天早上十時多, 發出紅雨, 天黑黑的像已經到了晚上, 外面下著很大的雨, 卻難得的寧靜, 一邊工作, 一邊與在澳洲的朋友msn, 才想起原來澳洲一直受著干旱的威脅, 快要面臨制水, 再下去, 食物的價格再會上升, 將會影響很大,

說著說著, 我說會為他們祈禱, 怎知他說, 報紙頭條真的是"Pray for Rain". 談到這裡, 心想紅雨也好, 至少有雨水, 看呀, 在彼邦的人天天渴望著的東西, 我們竟可以"得來很易"

要感恩啦, 香港有"大水喉照住", 神的看顧, 是我們預期不到的

"上帝為愛衪的人所預備的, 是人見所未見, 聞所未聞, 甚至是想也想不到那麼美好"

願主看顧, 賜雨水給澳洲, 解決他們的需要, 感謝主

4月20日及21日, 這兩天的身份是"天國在人間"義工司事, 對我來講, 是一種榮幸, 我的生命即由這兩天起了很多的分別

 

感謝主擇選了我成為衪的女兒, 我自知不配, 感謝神過去二十多年來豐盛的恩典, 更覺不配, 兩天的義工工作, 讓我體驗到神的偉大, 與神相比, 我的工作顯得微不足道, 看到一眾基督徒的付出, 那五百人的詩班, 一眾樂手, 歌手, 工作人員(八至九成都是義工), 多麼的震撼, 每人位都是為神工作, 而沒有神, 相信沒有如此效果, 看在眼內, 使我的很感動, 能夠成為一份子, 我感到榮幸, 讚美主, 哈利路亞

 

能夠與Janice, Tammy & Patrick一起事奉, 都的是很好的經驗, 感謝主使用我們, 安排適合的工作, 讓我們能認識更多屬靈的弟兄姊妹, 此刻, 生命中其他東西彷彿都已經變得不重要, 感謝主

 

從那天起, 我的心好像變得更平安, 星期日的崇拜更是不同, 敬拜當中, 感到神與我同在, 就像在身邊一樣, 主呀, 讓我能夠一生愛袮, 一生跟隨你, 成為你喜愛的女兒, 感謝主,讚美主, 哈利路亞

 

剛過去是我地基督教聖約教會聯合浸禮, 好多人, 成個禮堂都係人, 好熱鬧, 好開心, 九果子嘅榮生弟兄都係其中一位, 我地重準備了靚靚花花及T shirt& CD比佢做禮物, 睇下九果子d姊妹對你幾好, 哈哈

 

身為一位未受洗的基督徒, 我下個目標係十月的聯合浸禮, 希望的是其中受浸的一位, 十月重係的同Janice的生日, 有雙重意義

4月9 日最後一日假期, 基本上是留係屋企休息下, 溫下書, 因為返工之前習慣唔出街, 唔棍第日返工唔知醒, 就麻煩

 

因為爸爸是4月10日生日, 所以見今日人齊就順便慶祝埋, 不過我地都你叫pizza hut & KFC, 因為呢兩樣野都係我地嘅"買飛佛", 加上自已嘅雜菜湯, 食到好飽, yummy~~~~~係食左當中最搞笑是, MoMo, 不停咁捉住的同Janice玩, 係咁拖住我地要我地坐底, 就算我地食緊野, 都係咁, 不過都無所為, 因為難得佢肯同的地玩, 食少d都有咩所為呀

 

食完晚飯再食B-Day cake,Philip買左兩個細嘅, 一個係普遍雜果, 另外個你有芒果mousses&pudding嘅, 重有一片片芒果味嘅朱古力, 好好呀呢個, 一路食一路睇下人地係點整, 偷下師啦

 

好開心, 因為同MoMo friend左, 佢真係好搞笑, 特別係教佢講野果時.

4月8日今日係Patrick弟兄受浸的大日子, 歡迎加入神的大家庭, 見到佢好多屋企人出席, 又有朋友仔, 加埋教會弟兄姊妹, 送花送禮品, 雙隻手都攞唔晒. 好受歡迎呀佢. Happy for him and glory of god.

 

去完出返官塘已經差不多3點, 第一時間先去美心食下午餐做lunch, $19.5一份公司三文冶, 好味又好飽, 抵食啦

 

返到屋企之前媽媽話要加餸, 就同Jan去買斬料,返到屋企已經原來MoMo佢地已經黎到, MoMo重訓緊覺,好可愛呢, 最搞笑係佢訓醒之後, 係床上面做晒所有指定動作, 好搞笑, 即時用電話拍底佢, 真係超可愛

 

吃完晚飯後,去左德福, 因為有小飛俠展, 所以打算帶MoMo去影左, 點知佢去到又唔肯比我地影相, 又周圍搵"魚魚"睇(佢重以為係新都城,因為佢成日都去新都城睇魚魚), 搞到我地想睇左, 都睇唔到, 拖住我地周圍走, 同佢出街都唔知係佢帶住我地, 定我地帶住佢 

都放左兩日假,都係時候,做下好學生, 所以留係屋企睇下書, 做下assignment, 吃完中午飯之後, Jan已經投降, 訓左係沙化, 我死都要作戰到底,最多吃多幾粒薄荷糖

 

食完晚飯之後, 就去買禮品比PATRICK, 係咩事再講, 買完之後JAN話不如食 APPLE PIE, 因為依家有OVEN, 除左APPLE PIE, 當然要買ICE-CREAM, 咁先PERFECT,(唔怪之得係AUS可以咁肥, 因為以前成日都食), 返到去第一時間整黎食, 當然係非常好吃啦,  ICE-CREAM WITH APPLE, PERFECT MATCH.

 

 

4月6日第二日假期重重驚喜

 

由於之前一晚媽媽話好多年未去山頂, 所以今日一行四人, 孖女+爸爸媽媽, 十一點多出發, 由香港公園行過去纜車站, 香港公園幾時都咁舒服, 一路行一路講話下次帶埋MoMo黎, 因為有個魚塘, 佢實好鐘意. 行到纜車站, 已經好多人排隊, 好多都係外國人, 可能因為係easter所以特別多外國人放假黎香港. 行行下Jan突然大叫, 比佢嚇死, 原來佢見到佢日文班嘅同學, 果然有緣份, 等下, 行下已經差不多1點幾, 見到Burger King, 二話不說入左去先, 因為好多人, 先去搵位. Hungrey Jack 份量都幾, 果然係比外國人吃, d onion ring & chips都好好吃, 難得爸爸媽媽都鐘意.

 

吃完就上去影下相, 不過天氣麻麻, 所以睇唔清楚, 走之前去左山頂廣場睇下, 點知就係呢個時候, 竟然見到Alex&Susanzan, 哈哈, 真唔知係香港細家係咩, 咁樣都見到, 見到而梗係勁開心, 因為jan同佢地好鬼friend

 

去完山頂返屋企之前, 去左油馬地嘅價真棧, 睇下有咩買, 點知個收銀唔知,比多左包西梅乾我地, 咁樣就買一送一, 真係多謝佢

 

 

幾日復活節假期開始, 好開心媽媽返黎放假. 當然係因為我地都放假所以佢特別係呢個時候返黎, 如果唔係, 媽媽應該會去寧波拜山

 

4月5日第一日假期, 朝早起身當然係假期指定動作, 飲茶啦, 我們一般都係食brunch, 所以10:30就去攞位, 點知, 唔洗等, d人一係去晒旅行, 一係就未起身, 雖然唔洗等位, 不過要等人, 事關我地王家少爺未起身, 就算起身都要食埋奶奶先可以出黎, 咁我同Jan就睇下書, 等下啦, 飲完就陪Mo Mo去睇魚, 佢依家口裡面除左魚魚同車車之外, 唔講其他野, 咩野都話魚魚&車車, 比佢玩死

 

返屋企之前, 去交台費,順便睇下之前定果部6288到左未, 好開心, 等左兩個禮拜, 終於有啦, 好靚呀, 係白色嘅, 因為太多人用黑色, 所以要特別d, 好靚好靚呀, 返到屋企梗係試下部機先, 好正, 好鍾意, 超開心

 

夜晚返教會出席逾越節晚餐, 點知比人安排左去坐示範果度, 重要扮細路問問題, 好開心, 因為可以試食逾越節嘅食物, 有苦茶(西芹&生菜), 無酵餅 & 有Grape Juice.& lamb, 成晚係跟據傳統黎食, 重有次序, 唔講唔知原來正宗係要訓係度食, 訓係度點知, 我唔知呀, 因為地下唔乾淨, 所以我地係坐係度吃

 

每樣野都好好味, 特別係無酵餅 & lamb, 因為我好鍾意吃lamb, 而無酵餅係由conny, 祥光 & May幫手做, 好多謝佢地呀

 

吃完, 睇左耶穌傳嘅其中一段, 係釘十架果段, 睇完好唔開心, 因為耶穌為我地罪人死, 覺得我地好唔配

 

Thanks God so much

 

好開心嘅一個晚上