今日放工後為星期日母親節戶外崇拜準備禮物(集體遊戲禮物), 要又經濟又每人都可以平分的,當然是零食啦, 所以今日特別去了觀塘一間零食批發店shopping, 不過先要妹妹janice帶路, 因為佢係果頭返工又成日都去shopping.

未去之前以為係普通野, 因為我都係觀塘返過工, 知道呢d店大概係點, 點知到左之後, 呆左幾秒, 因為地方都幾大, 零食種類都好多, 無論係薯片, 朱古力, 餅乾, 魷魚絲, 和果子, 乾果 etc, 太多啦, 實在零食多眼亂.

唔得我黎嘅任務係買禮品, 為了又實用(即係好吃), 又見得人(因為星期日有好多係教友嘅屋企人, 唔可以太失禮), 最後揀左個樣好靚嘅和果子(味道就唔知, 不過我睇到都想拆黎食), budget又啱啱好, 感謝主因為去之前怕budget太少, 唔知點買, 依家剛剛好, 實在太perfect啦

揀完重要野, 可以睇自已啦, 由於實在太多選擇,雖然好平但又唔可以全部都買, 有點頭痕  , 最後都揀左d特別嘅, 就係冬陰公暴君

 & 面包超人朱古力(呢個係買比我亞頭d小朋友, 因為佢地鐘意面包超人)

當然重有其他, 不過無咩特別唔講啦, 講返冬陰公暴君 , 我就因為佢而失守左, 因為小妹減肥修身進行中, 每日只可以食清淡加多菜多生果, 任何肥野都唔掂得(零食就望都唔夠望)............唉點知, 返到屋企影完相二話不說就拆黎食, 不過都係半包(都有節制呀), 睇黎要行多幾步路啦.

不過講返包冬陰公暴君 因為之前食個佢隻印度暴君超辣, 食完個咀麻痺左,不過就好好食(都係要多謝同學仔Ceci請我地食), 呢隻冬陰公暴君食落無咁辣, 咁有d酸, 真係似飲湯嘅味道, 不錯

好啦, 聽日要做bring home test, 已經請左半日假, 希望係星期日之前做完, 另外合格就得啦, 求主睇智慧

自從有左OVEN之後, 基本上一有時間就會整餅, 呢個星期六繼續我嘅整餅行動, 本來想整叮噹豆沙餅(因為見到jAN之前買嘅紅豆蓉), 不過又想整MUFFIN+提子干, 又想整曲奇士, 望住D食譜, 真係唔知點好,太多選擇, 再睇落去就天黑無時間整, 最後都係決定整曲奇士.

 

由於, 一早將BUTTER攞左出黎, 所以到整嘅時候都已經軟晒, (呢個對整餅好重要嫁), 好開始整, 又唔係想像中咁難, 最後重要成功, 哈哈真係有天份, 不過全部都係心形, 因為心形比較容易"給"出來麻, 哈哈

 

一底有成三十塊, 不過試下試下, 好快就無左半底, 跟住又整多底比PHILIP,ANGEL & MO MO,星期日攞比佢地, MO MO 都有食, 証明OK啦.

 

星期日, 天氣好好, 不過逢星期日都會有"星期日RELAX後遺証" 即係點, 咪逢星期日下晏都會頭痛同唔舒服, 成日都會, 要訓一陣先無事, 如果返工又無事, 真係命苦, 唔做唔得........唉.............

 

媽媽今日返啦, 希望可以同佢去多D地方, 食多D唔到嘅野, 好快佢又放完假要返上海做野, 到時會好掛住佢呀, Mummy, i love you and miss you

星期六同Janice & Philip去左深水土步, 打算買"芒", 點知行完都無收穫, 因為價錢差不多, 所以打算返TKO買, 唔洗抬得咁辛苦麻, 雖然果日天氣唔係好好, 因為有d雨, 不過都唔緊要, 最緊要我地三兄妹好耐未行街街, 所以特別開心.

 

未去讀書之前, 係深水土步,返過工, 所以都知道邊度有野食(因為平時一年都唔去一次果度), 首先去左好味的合 益 泰, d腸粉好滑好好味, 好似以前細果果時食果d, 真係第二度食唔到, 雖然要排下隊重要企係街邊食, 不過都藉得, 因為實在太好食, 睇下Openrice好多人都話好食

 

 

食完腸粉, 再係第二度食麵, 麵就普遍, 不過勝在夠平, 食完再行黃金&高登, 無收穫就返屋企, 走之前買左4套衫仔比MoMo 真係好平, 因為$50 4套(質地當然麻麻, 不過比佢係屋企著都幾好,有Mr. Bean, Thomas &小飛俠), 暫走之前重去坤記買甜品&合 益 泰(又買腸粉, 因為太好食, 所以要買返去比佢地試下) ,坤記好出名, 不過就無咩食過, 所以其實係自己想食, 買左紅豆糕, 芝麻糕 & 白糖糕, 紅豆好味呀, 又唔係好甜重好滑, 芝麻&白糖糕都好好味呀, 又睇下Openrice介紹啦

 

 

返到TKO先記得Janice唔返黎食, 所以決定同爸爸係Philip屋企食, 又好啫, 因為可妣同MoMo玩, 佢終於同我玩啦, 重係拉我衫尾叫我同佢玩, MoMo我愛你呀

又一個禮拜啦, 剛剛過去嘅weekend又凍又濕, 重好忙, 不過好開心星期五果日同妹妹Janice & 準新娘亞B去左APMshopping,大家都有收穫, 我買左兩條 Jean & 一對白色converse, 本來開開心心返屋企, 點知返到去先發現其一條Jean比錯左款&size,咁可以錯, 都怪自己無睇清楚, 要星期六收工再去換. 不過我好鍾意兩條jean, 好fit呀, 希望可以快d著啦

 

跟住星期六, 收工除左去換jean之外, 就約左同學仔小公主整野食, 重一次整左三樣野想知道詳情就去小公主度睇下http://hk.myblog.yahoo.com/wingwing_1027/article?mid=807&prev=812&next=803

 

星期六晚緊係返小組啦, 好耐無返, 好掛住各位, 因為知道有小組,所以特別整朱古力muffin返去, 佢地話好好味, 問我係咪想開店, 唉我地呢d咁水嘅cake, 點可以出大場面呀, 不過又搞笑係陳幹事一路食一路話下次要加朱古力粒就重好, 好啦下次會整多點款, 小組都係好, 好珍惜大家分享一起祈禱的時間, 好愛九果子組嘅每一位

 

星期日就慘啦, 返完教會返到屋企已經有d頭暈, 去完買野之後就好唔舒服, 詶左陣, 又傾左陣電話, 守之後起身整晚餐, 整到一半頂唔順, 要去訓, 訓訓下想嘔, 走去廁所, 就嘔左出黎, 嘔完反而舒服d, 不過真係唔知點解會咁

 

點知今朝隻眼重爆左微絲血管, 右眼紅左一達, 要去買眼藥水啦

 

 

成功了, 成功了, 原來我們真的很有天份, 哈哈~~

 

人生中第一個cheese cake, 終於面世了, 還蠻成功的, 要謝謝Janice跟亞B 啦

 

 

多謝靚靚好人同事Ronnie(其實你上司, 因為係第二個dept的manager)送左醉蟹比我, 因為佢隻眼, 所以唔食得, 送比我.

 

醉蟹係上海度買, 好好味, 我好鐘意食.

 

呢個係上海"一品鼎"嘅出品係用梭子蟹+黃油+食用鹽+白砂糖+花椒, 因為係生蟹醃, 所以唔係好多人接受得到, 加上食落霉霉地, 黠解我又咁鐘意, 因為我媽媽係上海, 細個果時成日係上海買返黎, 我鐘意果種咸香味, 又好懷念細個嘅日子.

 

食飯時食左兩件, 食完之後, 哈~~~~~醉左, 有少少"wing wing"地, 不過真係好好食, 特別是送粥, 由於有兩支嘅關係, 就攞一支返去同家人分享, 佢地一定鐘意

 

重"wing wing" 地添~~~~~~做緊咩呢~~~~hahahaaaaaaaaaa