| Wong's profileDoublefirebirdPhotosBlogLists |  Tools  Help |
|
|
June 06 喜愛新髮色成個禮拜都無Update個blog, 因為實在忙啦(其實有一半係懶, hehe) 上星期都發生左好多野, 有開心, 有唔開心, 由星期一開始講啦 星期一上最後一堂嘅tutorial, 多謝Ceci嘅台灣手信(又搞鬼又好食), 多謝Jessica嘅美味三文治&果汁(本來想比返$你, 不過最後都唔記得, 下次一定到我做東, 你想食咩呀), 最後一堂, 即係代表考試將近, 要好好努力遠離電視, 一定要合格, 加油呀(亞妹, 唔該幫我搬走佢, 麻煩你) 上個星期又收到d唔係好開心的電話, 分別係兩位親愛的姊妹在身體上有毛病, 有一位更係令人有d擔心, 求主賜健康, 親自醫治她們. 就係咁上星期用左好多時間傾電話 佛誕日, 公眾假期, 身為christian當然無去浴佛, 不過就可以利用呢個假期做下家務, 出下汗, 重包左Wan Ton一家食 星期六收工就去做負離子,一坐就坐左4個鐘, 不過髮型師送左個purple highligh比我, 當堂靚晒, 返到屋企重收到blog友 bigheadMabel嘅小禮物, 好開心, 希望有機會見到佢,聚下啦, 多謝你呀 Mabel,小禮物好靚我好鐘意, 夜晚重去左小組, 雖然由十二個人變做得四個, 不過都好開心, 因為分享左好多野, 重知道自己要學習多點聆聽, 學習說話的技巧, 求主賜知慧 星期日,最豐富, 因為之前收到一位八年沒見的中學同學sms, 因為他剛從北京畢業回來, 要聚舊, 所以相約星期日食早餐&一起返教會, 估唔到他除左靚仔左之外, 重成熟穩重左, 八年時間真的令人改變很大, 希望他可以成為一位出色的律師, 希望我地有多d機會聚舊啦 跟住下午去左一位弟兄cousin家打Wii, 勁好玩&勁好笑, 果然係減肥恩物, 因為玩完隻右手有d疼 考試重有一個月, 不過呢個月有好多左做, 整B-Day cake, 準備bbq, 父親節drama, 朋友gathering, assignment, pre-exam workshop, 買新書, 讀經計劃.....生命果然很充實, Thx god giving me such a wonderful life April 27 可怕的事件又發生了!!對於半獨居的我們來說, 最怕的除了是昆蟲飛入來不走外, 相信突然停電都會令我們不知所措, 措手不及特別是在深夜時份, 又怕驚動在夢中的Philip & Dad Dad. 昨天晚上, 這可怕事情又再發生, 事發事正正零晨, 除了第一時間打電話去管理處外, 就是熟練的把所有照明東西拿出來, 靜待救星來臨. 救星到了也只能暫時開電, 以為事件完結, 怎知道早上七時起來才發現又再一次停電, 唉.......只好等待電器技工開工, 一等便是中午十二時多, 他到來後把所有插位都檢查清楚(即要把所有東西搬開), 最後要重新安排時間抽線, 所以暫時只可以用部份的插位, 沒電視, 沒dvd, 寧靜的日子將會來臨 其實最後發現是因為拖版負荷不了大電壓的oven, 原來真兇是我, 因為停電前我用了兩小時. 我很是內疚, 因為停電的時候Janice是在洗白白, 可是她出奇的平靜, 只是問為什麼關掉她的燈, 感恩神仍保守我們, 至少知道原因及再拉線的費用也不是很高, 感謝主 希望可以盡快安排拉線啦 April 25 亞B新工昨日收到九果子亞b email, 她說"終於有人請我啦", 頓時心情也為她輕鬆了, 因為為她找工作的事也擔心了兩個月, 絕對是"皇帝唔急,太監急", 她也在放棄邊緣, 因但當想到十一月的大日子, 真的很為她擔心,有好幾次還嚴厲訓話了她(sorry 亞b, 我都是為你好). 好了, 最終神都為她安排了一份她喜歡的工作, 也是她很想加入的公司(機構), 希望神繼續賜福給她, 使她能夠在一切的工作上都順利, 學習更加, 加油啦, 亞b 也感謝神給我們有工作的能力, 及保守我們都有準時出糧(好重要), 哈利路亞 April 16 Happy Hoilday-54月9 日最後一日假期, 基本上是留係屋企休息下, 溫下書, 因為返工之前習慣唔出街, 唔棍第日返工唔知醒, 就麻煩
因為爸爸是4月10日生日, 所以見今日人齊就順便慶祝埋, 不過我地都你叫pizza hut & KFC, 因為呢兩樣野都係我地嘅"買飛佛", 加上自已嘅雜菜湯, 食到好飽, yummy~~~~~係食左當中最搞笑是, MoMo, 不停咁捉住的同Janice玩, 係咁拖住我地要我地坐底, 就算我地食緊野, 都係咁, 不過都無所為, 因為難得佢肯同的地玩, 食少d都有咩所為呀
食完晚飯再食B-Day cake,Philip買左兩個細嘅, 一個係普遍雜果, 另外個你有芒果mousses&pudding嘅, 重有一片片芒果味嘅朱古力, 好好呀呢個, 一路食一路睇下人地係點整, 偷下師啦
好開心, 因為同MoMo friend左, 佢真係好搞笑, 特別係教佢講野果時. April 12 Happy Hoilday-44月8日今日係Patrick弟兄受浸的大日子, 歡迎加入神的大家庭, 見到佢好多屋企人出席, 又有朋友仔, 加埋教會弟兄姊妹, 送花送禮品, 雙隻手都攞唔晒. 好受歡迎呀佢. Happy for him and glory of god.
去完出返官塘已經差不多3點, 第一時間先去美心食下午餐做lunch, $19.5一份公司三文冶, 好味又好飽, 抵食啦
返到屋企之前媽媽話要加餸, 就同Jan去買斬料,返到屋企已經原來MoMo佢地已經黎到, MoMo重訓緊覺,好可愛呢, 最搞笑係佢訓醒之後, 係床上面做晒所有指定動作, 好搞笑, 即時用電話拍底佢, 真係超可愛
吃完晚飯後,去左德福, 因為有小飛俠展, 所以打算帶MoMo去影左, 點知佢去到又唔肯比我地影相, 又周圍搵"魚魚"睇(佢重以為係新都城,因為佢成日都去新都城睇魚魚), 搞到我地想睇左, 都睇唔到, 拖住我地周圍走, 同佢出街都唔知係佢帶住我地, 定我地帶住佢 April 11 Happy hoilday-3都放左兩日假,都係時候,做下好學生, 所以留係屋企睇下書, 做下assignment, 吃完中午飯之後, Jan已經投降, 訓左係沙化, 我死都要作戰到底,最多吃多幾粒薄荷糖
食完晚飯之後, 就去買禮品比PATRICK, 係咩事再講, 買完之後JAN話不如食 APPLE PIE, 因為依家有OVEN, 除左APPLE PIE, 當然要買ICE-CREAM, 咁先PERFECT,(唔怪之得係AUS可以咁肥, 因為以前成日都食), 返到去第一時間整黎食, 當然係非常好吃啦, ICE-CREAM WITH APPLE, PERFECT MATCH.
Happy Hoilday-24月6日第二日假期重重驚喜
由於之前一晚媽媽話好多年未去山頂, 所以今日一行四人, 孖女+爸爸媽媽, 十一點多出發, 由香港公園行過去纜車站, 香港公園幾時都咁舒服, 一路行一路講話下次帶埋MoMo黎, 因為有個魚塘, 佢實好鐘意. 行到纜車站, 已經好多人排隊, 好多都係外國人, 可能因為係easter所以特別多外國人放假黎香港. 行行下Jan突然大叫, 比佢嚇死, 原來佢見到佢日文班嘅同學, 果然有緣份, 等下, 行下已經差不多1點幾, 見到Burger King, 二話不說入左去先, 因為好多人, 先去搵位. Hungrey Jack 份量都幾, 果然係比外國人吃, d onion ring & chips都好好吃, 難得爸爸媽媽都鐘意.
吃完就上去影下相, 不過天氣麻麻, 所以睇唔清楚, 走之前去左山頂廣場睇下, 點知就係呢個時候, 竟然見到Alex&Susanzan, 哈哈, 真唔知係香港細家係咩, 咁樣都見到, 見到而梗係勁開心, 因為jan同佢地好鬼friend
去完山頂返屋企之前, 去左油馬地嘅價真棧, 睇下有咩買, 點知個收銀唔知,比多左包西梅乾我地, 咁樣就買一送一, 真係多謝佢
April 10 Happy Hoilday-1幾日復活節假期開始, 好開心媽媽返黎放假. 當然係因為我地都放假所以佢特別係呢個時候返黎, 如果唔係, 媽媽應該會去寧波拜山
4月5日第一日假期, 朝早起身當然係假期指定動作, 飲茶啦, 我們一般都係食brunch, 所以10:30就去攞位, 點知, 唔洗等, d人一係去晒旅行, 一係就未起身, 雖然唔洗等位, 不過要等人, 事關我地王家少爺未起身, 就算起身都要食埋奶奶先可以出黎, 咁我同Jan就睇下書, 等下啦, 飲完就陪Mo Mo去睇魚, 佢依家口裡面除左魚魚同車車之外, 唔講其他野, 咩野都話魚魚&車車, 比佢玩死
返屋企之前, 去交台費,順便睇下之前定果部6288到左未, 好開心, 等左兩個禮拜, 終於有啦, 好靚呀, 係白色嘅, 因為太多人用黑色, 所以要特別d, 好靚好靚呀, 返到屋企梗係試下部機先, 好正, 好鍾意, 超開心
夜晚返教會出席逾越節晚餐, 點知比人安排左去坐示範果度, 重要扮細路問問題, 好開心, 因為可以試食逾越節嘅食物, 有苦茶(西芹&生菜), 無酵餅 & 有Grape Juice.& lamb, 成晚係跟據傳統黎食, 重有次序, 唔講唔知原來正宗係要訓係度食, 訓係度點知, 我唔知呀, 因為地下唔乾淨, 所以我地係坐係度吃
每樣野都好好味, 特別係無酵餅 & lamb, 因為我好鍾意吃lamb, 而無酵餅係由conny, 祥光 & May幫手做, 好多謝佢地呀
吃完, 睇左耶穌傳嘅其中一段, 係釘十架果段, 睇完好唔開心, 因為耶穌為我地罪人死, 覺得我地好唔配
Thanks God so much
好開心嘅一個晚上 April 04 四月份首發寒冷天氣警告你有無病呀, 會唔會因為溫度由28度趺到14度, 所以病左??
真係有d誇張,噚日係發出寒冷天氣警告以來，首次在４月發出警告, 四月啦, 以前係呢個時間通常都係好濕, 因為住德高, 有時連對面樓都睇唔到.呢機日咁涷, 真係一D都唔似春天.
都好嘅, 至少D冬裝可以著多D, 咁咪怟返D$$, 你知啦, 冬天D衫貴好多嫁, 嘻嘻
不過大家要著多件衫, 好好保重身體啦
March 23 H & M 之魅力瑞典品牌H & M, 早前登陸左香港, 由於價廉物OK,又有娜姐嘅系列, 所以有好多人去朝聖, 由於人太多, 所以好多時都要係門口等, 想朝聖, 排下隊先啦
不過, 熱潮已經減退, 所以噚晚唔洗等, 不過入到去有d失望(其實唔知係唔係期望太高), 行晒全部女裝, 只睇啱兩三件, 不過因為人太多fitting排長龍, 所以都係放棄, 跟住走去三樓, kidswear, 嘩好可愛, 即時同janice睇下有咩可以買比毛毛, 好可愛呀, 男裝有好多好有型, 一路睇一路諗下毛毛著左會係點, 最後買左3件短打+一件型仔外套, 毛毛你睇下姑姑幾錫你, 你大個仔記得同我地玩多d啦
其實H&M D 衫應該可以靚d, 可能我地太遲去, d靚野比人買晒, 不過當我行嘅時間比我覺得好似係AUS行緊Myers或者Target, 不過就人多d 人同埋d人唔係鬼佬. 唉......攪到又好miss AUS, 雖然自已無收穫, 但係得閒去下都可以, 因為都有d型人, janice不繼咁望, 大飽眼福
買完已經肚仔餓, 走去老蘭食飯,去左以前做野時成日都食嘅明珠, 果度比我嘅感覺有d似以前澳洲做果間餐館"萬寶樓", 唉又係AUS, 以前係aus留得最多時間嘅地方係屋企, 學校&萬寶樓, 因為返工嘅時間都好多, 不過因為咁樣先可以自給自足, 我好多大日子都係果度嘅工作日渡過, 例如外國人好重視嘅21birthday(係果度好重要, 通常會攪大party, 請好多人出席)
聽講H&M會係香港開多幾間, 到時大把機會去shopping啦 March 12 Nice Weekend考完試當然要休息下, 所以星期六可以休閒係屋企整muffin, 重整左成晚, 整左朱古力&stawberry muffin,最後連butter都用晒, 都係為了星期日去同醫生Wing影畢業相時大家可以一齊食, 加上是蕭生上星期生日, 所以Janice特別庶佢係中大唱生日歌, 點知大家都勁讚, 重話可以攞去賣, 哄到我地兩姊妹鬼咁開心, 下次gathering又點會唔再整呢, 最重要係你地嘅支持, 同埋最緊要食晒佢, 唔浪費係我嘅宗旨!!
由於考試試, 可以返教會加上又有Love Meal, 好開心又可以重各位弟兄姊妹傾下, 重交換左好多整cake的意見(其實係偷師, 因為好多高手係度), 不過由於Lean & Colin都有野做, 所以見唔到佢地, 好掛住佢地呀, 希望星期六嘅小組人齊啦. 好期待小組, 因為好耐無返, 要乖乖啦, 因為天父爸爸唔高興成日唔返聚會
返完教會就去影畢業相啦, 見到醫生Wing都好為佢高興,將來又多一個人為香港社會服務(雖然我地個個都問定佢去邊間醫院實習, 等我地叫d朋友盡量都唔好去, 費事出事, 哈哈), 影相本身好開心, 只係發生左小插曲, 多謝Y小姐比我地上左重要一課, 就係唔好咁容易相信果d成日唔交帶, 又唔上心,又唔準時嘅人. 絕對失望, Y小姐唔該諗下, 你嘅行動嚴重影響到其他人, 做野唔該負責下, 比d交帶, 唔係咁做朋友...............唉無野好講
Anyway我都係有一個好好嘅weekend, 最多謝嘅係Philip & Angel為我們準備的晚餐, Yummy Yummy March 08 三八日, 要做自由女神身為單身女子, 對以下這首歌非常喜歡, 又一次, 女人萬歲!!
自由女神 - 陳慧琳/汪明荃 自由女神 演唱：陳慧琳/汪明荃 作曲：伍樂城 作詞：林夕 編曲：伍樂城 監製：伍樂城 K: 誰人愛我只不過安慰獎 但日日夜夜同住不一樣 無人愛我我深信不減漂亮 自立後便習慣自強 L: 怎麼可依靠情侶做人 兩人一生(找快樂) 何時變心? K: 最怕是靠人 仍然冀盼刻骨銘心 (辨別別信榮幸) 有事業稱心 K+L: 不必真的賣心 L: 單身 也是個身份 有權更高分 發奮地作自由人 K: 繼續艰辛 也沒有犧牲 閒人未相襯 敢婉拒不愧是 勇敢 (放棄軟帎 無言果敢) K+L: 夠真 夠狠 L: 何為要靠他給我觀趣點 做伴是為著容易講心事 談情說愛也許比真戀愛易 寂寞亦是種奢侈 K: 一紙婚書有無數責任 偶然好感 (很放任) 如何當真? L: 我也是愛神 然而男性都不 (若是未夠緣份) 要日夜貼身 K+L: 當然不肯賣心 K: 單身 也是個身份 有權更高分 發奮地作自由人 L: 繼續耕辛 也沒有犧牲 緣份未走近 敢婉拒不愧是 勇敢 (放棄軟帎 無言果敢) K+L: 夠真 女人 L: 爭取 K: 高分 K: (好多人恨嘆下午茶) L: (我暫時唔恨喎!) K+L: 我們單身 我們愛單身 K: 何況自己說 不必靠一個伴 L: (我夠勇敢 憑毫犧牲) K: 也不 見得 殘忍 三八婦女節, 女人萬歲三八婦女節"是為記念女性在這幾個世紀以來, 為取得與男性同等地位而所做的一些歷史故事.
一) 古希臘時期, 有一位名為"Lysistrata"的女性為了阻止戰爭而發起一次與男性對立的性別鬥爭. 二) 於法國大革命期間, 在巴黎凡爾賽的大遊行中, 女性以自由,平等和友愛等口號來要求參政. 三) 於1909年二月二十八號, 美國社會主義黨發表全美各地將舉行第一個全國婦女節的宣言, 一直到1931年, 美國女性都會在二月最後一個星期日來慶祝婦女節. 四) 於1910年, 國際社會主義組織於哥本哈根決議制定"國際婦女節". 一方面是為了向女權運動致意, 更希望促成女性的參政權, 這份提案在全球十七個國家超過一百位女性參與的會議中被簽署認同, 其中芬蘭國會更最早選出了三位女性議員. 不過當時並未有為婦女節訂下一個特定的日期. 五) 於1911年三月十九號, 婦女節首次在奧地利, 丹麥, 德國及瑞士等國家舉行慶祝集會. 當時有超過一百萬的男性和女性一起慶祝. 更在當時提出了女性能夠投票與擔任公職的要求, 他們同時亦提到女性的工作訓練和歧視等權利. 但於三月二十五號紐約市發生了一場大火, 奪走了一百四十位女工的性命, 他們大部份是義大利和猶太裔的移民, 這悲劇對美國勞工法案的制定有很大衝擊, 而這次災難所引發的"工作場所的安全問題"隨後亦在國際婦女節的慶祝會中被提出. 六) 於1913至1914年, 俄羅斯的婦女運動亦在第一次世界大戰前夕發起, 他們於1913年二月的最後一個星期天慶祝第一個婦女節. 在次年的三月八號, 歐洲其他地區女性亦以集會遊行的形式來表達她們對戰爭的不滿. 七) 於1917年二月最後一個星期天, 俄羅斯婦女為兩百萬死於戰場的俄羅斯士兵於街頭提出以"麵包與和平"為主題的遊行. 在遊行後的四天沙皇退位, 而新的政權便賦予女性投票權. 在多年的努力後, 國際婦女運動分別於四次聯合國國際婦女會議中令婦女節成為一個婦女共聚的時刻, 各國女性為女權和女性參政的事而共同努力. 使得國際婦女節成為一個為記念女權運動史上每一位曾經負出不凡貢獻的女性的重要日子. 女人可以撐半邊天, 既剛強又溫柔, 男人們, 要尊重你身邊的女性啦
後記: 今天的女性已不雖要為權利而鬥爭, 反觀現時的男仕們可能更雖要為自己的地位而努力. 這正是大勢所趨, 時也命也. February 14 Thanks Conny多謝Conny,多謝她給我的意見及與我分享她的經驗, 我想我真的不要給自己太大壓力, relaxing, just like Ka Lok said relaxing everyday
好了, 要努力努力了 February 12 問題出在何處???星期六, 終於完成了八堂嘅lecture, 每晚都要返學, 確實幾辛苦, 跟住就要準備考試, 所以新年都唔可以每日都有節目, 最多考完先玩啦.
星期六上堂果時同靚靚Ceci一起食"芒果涼粉做lunch, 點知比同學仔見到, 我諗佢地會諗點解你地上堂成日食野, 哈, 華之你地啦, 民以食為先麻, 涼粉好好食, 食完好飽. 上完堂之後, 同靚靚Ceci一起去行街街, 去左聯合, 好多人, 不過我買到我嘅心頭好, 係一條面譜頸鏈, 我好鍾意, 因為唔會成日同人撞款, 好開心,因為條鏈有石, 好閃呀, 新年有新飾物啦, 哈哈~~~
星期日, 就好忙, 忙死啦, 為左新年有啖好食, 所以專登同Janice教會都無返去買野, 先去買生果, 再去官塘街市買其他野, 你知啦, 如果到年三十先買會好貴, 加上都買唔到咁多.
到左夜晚, 就整旦白干餅, 點知..................失敗............係徹底失敗...........好慘, 無晒心機, 唔知點解d餅會同牛油紙黐住, 點食呀, 激死啦, 我唸要搵高人指點下先得................ February 07 唉……..真失禮, 丟臉呀
噚晚真係好失禮, 本來高興的和Yana慶祝生日, 開開心心的食擔擔麵, 醉雞, New York Cheese Cake, 點知食到最後, 有兩隻狗狗走左入黎, 嚇到我同Janice即時彈起, 果然係兩姊妹, 不過就好失禮, 因為同台有靚仔係度, 所以好鬼死”魚”, 唉……….
其實我同Janice好鍾意猫猫, 但係狗狗,就真係好驚, 雖然平時都唔係好淑女, 不過都有形象麻, 今次真係唉…………. 測驗結果
February 05 有朋自台灣來很開心, 超級開心, 之前說過生命中有很多不能預期的事, 真的, 是真的, 又再一次發生在我身上, 哈哈就是有朋自台灣來, 哈哈, 應該說是從上海來, 因為她是在上海工作的, 只是經香港回台灣過年而己
她是之前在澳洲讀書的housemate, 一位很好的姐姐, 雖然跟她只是一起住只有幾個月的時間, 可以, 你知道啦, 人在異鄉, 什麼事都變成不同了, 跟她相處的日子真的很開心, 後來她完成學業回台灣結婚, 最近生了一位超可愛的bb女, 都的很可愛, 超像她媽媽, (我housemate當然是又有氣質, 又漂亮, 又高貴啦)~~~~
在這幾年, 我們只見過一次面, 那已經是03年在台灣的事了, 轉見間大家都長大了(可是在她眼中, 我們還是小朋友), 在那天離別的那個擁抱, 真的不想分開(太誇張了), 可是真的很想念, 很miss 呀
Even, 祝福你, 希望bb快高長大, 生意越來越好~~~ January 22 16度的weekend?!昨天真的不像16度, 絕對可以肯定, 因為唔係我一個咁講, 真你好凍, 攪到我同Janice成晚係度話好凍, 心諗下星期有太陽可以暖d, 去婚禮唔洗著咁多, 點知下星期重凍, 點好呢?? 不過好期待, 快d星期六, 不過要先做晒d assignment 先..... January 19 好疼, 好疼呀好疼, 好疼呀!!
什麼病: 牙肉發炎, 嚴重到, 外面都睇到, 腫左(好肉酸, 塊面大左)
病因 : (1)熱氣(搞到唔可以食薯片 (2)細菌感染(好似唔關我事 (3) 出智慧齒(應該唔係係果個位 (4)刷牙唔乾淨(呢個係最多人同我講的原因, 如果係的話, 即係可以繼續食薯片)
解決方案: 食少D野, 保持口腔清潔, 刷多D牙, 刷乾淨D(其實我覺得牙刷先係原兇)
希望可以快D好返, 靚靚去婚禮
|
|||||||||||||||||||||||||||||||||||||||||||||||||
|
|
